جمهورية فسادستان المحروسة I

النشيد المقوى للتهيس

واحد
اتنين
تلاته
تيجى تشرب
من كولدير مايه
فى الشارع
جنب الجامع
تقوم تتكهرب
والشارع
يتفرج
عليك
منظرك جنان
وتروح تركب قطر
يروح خابط فى قطر
فتتفعس
و يتحرق بيك
وأنت لسه جواه
مزنوق
فتتفحم
ويتفحم
بيك
و بالناس اللى لازقه فيك
و تتحرقوا سوا
حته واحده
و تبقوا لحمه ريحتها وحشه
و البتلو اغلى
و تتطلعوا بعديها مركب
تروح غرقانه
فى البحر
بالليل
فى الضلمه
و السقعه
ياريت تخاف
فتاكل سمك
و استاكوزا
و ابو جلامبو
و تلفهم بورق جرنان
و تنط فى ميكروباص
عشان تروح البلد
عيالك عاوزينك يا اخى
و مراتك مستنيه تلطم
و تصوت
و تولول عليك
مبروك حتعمل حادثه
و يتقلب عشر قلبات
فتتقطع حتت
حتت صوغنونه
فتافيت يعنى
بس زى السكر
و ما نعرفكش
ده انت سكر
و جالك السكر
و مساءك سكر زياده
فنشممك السحابه السوده
كاسعافات اوليه
تشمها
شمه
شمتين
و بعدين شمه كمان
فتحشش
و انا محشش معاك
تيجى نضرب سيجاره
و نملى شراينك
بدم وسخ
كاسعافات اوليه برضه
يلا يا وسخ
يلا ناكل فاكهه
بدل عيش و ملح
و نرش عليها فليت
و اقعد استنى السرطان معاك
يجيلك
وشويش
ماتبل ريئك مالحنفيه
تشربها ملووثه بيك
بالشفا يلا
و الا اجبلك لبن كلوروكس
حاتتعلم حاتتعلم
غصبنعنك حاتتعلم
و فى الاخر
تتخرج
مالدنيا
بس قبل ما تطلع
ماتلاقيش حد يبوسك بجد
و لا شغل كمان
تبقى
عطلان
زبال مزبل
و الزباله اللى زيك ماليه الشوارع
حتئايه
ياع ياغ ياك
برجع احشاءك
من ريحه بطاطك
اللى طالعه فى السكه
كل يوم
طول الاسبوع
مالحياه كلها واقفه
طوابير ورا بعض
و العربيات كتير
و الناس كتير
و الارض زحمه
و حاجه قرف
تقرف
قرفان
ادينى نفس بقه

فى صرصور بيحبنى
مانشترى البطاطس
باربعه جنيه
طب البصل
يا بصل
امبارح باربعه
و بكره بخامسه
و مين يزود
كفايه البنزين
حولعك بيه
بدل ما تعيط
ترفع قضيه احسن
و تقعد سنين برضه
و فالاخر
ماتخدش حقك
وتتغاظ
ده كل مصلحه
لازملها بقشيش
عشان تخلص
و واسطه
عشان تخلص
و محسوبيه
عشان تخلص
و فلوسك تخلص
فتفلس و تخلص
زى كل تعيينه
محتاجه حد تعرفه
يوصى عليك
ماتلاقيش
فتدخل المستشفى عيان نفسى
تطلع ميت طبيعى
ميه فى الميه
مش نكتار
و العوانس
يكتروا
و يكتروا
و يكتروا
فتكتئب
فتاخد دروس خصوصيه
و المش خصوصيه
فى ايه مش عارف
ماهى واكله كل الفلوس
اللى فى البنطلون و الكيلوت
و عملاه محشى ورق فلوس
مش ابوك بيشتغل حرامى بنوك
و طنت عامله الفرح فى الهوتيل
و التعليم
بيز بيز
علشان التعليم
بيزنيس
متدايق روح اشتكى للبوليز
و بتوع البول ليز
و العساكر السود
مش لاقيينلهم شغله
غير انهم يضربوك
و يضربوا اللى ضربوك و ربوك
و يضربوا
فى الناس
و فى الناس
اللى همه منهم
و يمرمطوهم
و يمسحوا بيهم
البلاط
و الإزاز
اللى همه منهم
والناس بتحقد
على بعضيها
و بتكره
بعضيها
و بتعض
بعضيها
و الجرايد كلها
عماله تكتب
عن البلاوى
اللى فى البلد
و مش شايفينلها حل
وانا كمان
باكتب اهوه
فابتشل
فاتشليت
فجالى شلل
فاموت
نموت
ما تموت و تخلصنا
طب ليه انتحر لوحدى
مدام ممكن ننتحر مع بعض
بينا ننتحر سوا
بكره و مع بعض
نعد لتلاته
واحد
اتنين

ياعم اللى فى مصر مش كفار

بس اللى بيديرو مصر قربو يبقو كفار